Azərbaycan qəhrəmanlar məskənidir” adlı tədbir təşkil edib
Gəncə-Daşkəsən Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin 19 saylı filialı Gəncə şəhər Şah İsmayıl Xətai adına 13 saylı tam orta məktəbin müəllim və şagird kollektivi ilə birlikdə 09.12.2024-cü il tarixində Verdiyev Nihat Nicat oğlunun doğum günü münasibətilə “ Azərbaycan qəhrəmanlar məskənidir” adlı tədbir təşkil edib.
Patriot News.az-ın bölgə müxbirinin məlumatına əsasən tədbirdə Azərbaycanın dövlətinin ərazi bütövlüyü uğrunda canından keçən şəhidlərin xatirələri bir dəqiqəlik sükutla yad edildi. Gəncə şəhər Şah İsmayıl Xətai adına 13 saylı tam orta məktəbin psixoloqu, Uşaq Təşkilatı Birliyinin rəhbəri , kitabxana müdiri, MKS-nin 19 saylı filialın müdiri və məktəbin şagirdlərinin iştirakı ilə keçirilən tədbirdə Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu ərəflə yerinə yetirərək şəhid olmuş Verdiyev Nihat Nicat oğlunun qəhrəmanlığından və 3-cü dərəcəli “Vətənə xidmətə görə” ordeni ilə tətif olunmasından danışaraq onuda bildirdilər ki, Qəhrəmanlar heç vaxt unudulmur. Dövlətimiz və xalqımız ana Vətənin azadlığı, müqəddəs torpağın şərəfi yolunda canını qurban verənləri həmişə qəlbində yaşadır, onları şərəf və qeyrət simvolu kimi xatırlayır, gənc nəslə nümunə kimi təqdim edir.