Belarus Respublikasının Azərbaycan Respublikasındakı fövqəladə və səlahiyyətli səfiri Dmitri Pineviç Gəncə şəhərinə rəsmi səfəri çərçivəsində Gəncə Avtomobil Zavodu İstehsalat Birliyində olub. Birliyin direktoru Amin Əliyev qonaqları müəssisədə həyata keçirilən yığım xəttləri tanış edib. 

Səfirin diqqətinə çatdırılıb ki, Gəncə avtomobil zavodu 2006-cı ildə ölkə başçısı cənab İlham Əliyevin Belarus Respublikasına rəsmi səfəri zamanı bağlanan  iki tərəfli əməkdaşlıq müqavilələrinə uyğun olaraq Minsk Traktor zavodu, Minsk avtomobil zavodu və digər Belarus müəssisələri birgə fəaliyyətə başlayıb. Amin Əliyev onu da vurğulayıb ki, hal hazırda da belarus müəssisələri iki tərəfli əməkdaşlıq əlaqələri davam edir. Zavodda Belarus traktorlarının və yük avtomobillərinin  sifarişlərə uyğun müxtəlif modellərinin yığımı həyata keçirilir.

Müəssisə ilə tanışlıq zamanı yaradılan  istehsalat şəraitindən məmnunluğunu bildirən səfir movcud olan əlaqələrin daha da inkişaf etdirilməsi və yeni əməkdaşlıqların qurulması üçün görülə biləcək tədbirlərdən danışıb. Vurğulanıb ki, Gəncə avtomobil zavodu ilə belarus müəssisələrinin əməkdaşlıqlarının böyük tarixi var və bu istiqamətdə birgə layihələrin genişləndirilməsi üçün müvafiq görüşlərin keçirilməsi məqsədəuyğundur.