Gəncə İdman Sarayında 8-11-ci sinif şagirdləri arasında təşkil olunan voleybol yarışının bağlanış mərasimi keçirildi
Gəncə-Daşkəsən Regional Təhsil İdarəsinin təşkilatçılığı, "Gəncə" Voleybol Klubunun dəstəyi ilə Gəncə İdman Sarayında 8-11-ci sinif şagirdləri arasında təşkil olunan voleybol yarışının bağlanış mərasimi keçirildi.
Patriot News.az xəbər verir ki, “Sağlamlıq və təhlükəsizlik” aylığı çərçivəsində keçirilən voleybol yarışında 46 komandada 552 nəfər şagird iştirak etdi.Məktəb, məktəblərarası və region olmaqla 3 mərhələdə keçirilən yarışın yekun final mərhələsinin nəticələrinə əsasən oğlanlar arasında I yerə Gəncə şəhər 23 nömrəli tam orta məktəbin, II yerə Daşkəsən şəhər Anar Mürsəlov adına 2 nömrəli tam orta məktəbin, III yerə Gəncə şəhər M.Füzuli adına 22 nömrəli tam orta məktəbin komandası, qızlar arasında I yerə Gəncə şəhər 31 nömrəli tam orta məktəbin, II yerə Göygöl rayon Pənahlılar kənd tam orta məktəbin III yerə isə Samux rayon Qarayeri qəsəbə 1 nömrəli məktəb-liseyin komandası layiq görülüb