Son günlər xəstəxanalara tənəffüs yolu infeksiyaları ilə müraciət edən uşaqların sayı çoxalıb. Bu vəziyyət valideynləri çox narahat edir. 

Hazırda uşaqlar arasında yayılan xəstəliklər hansılardır? Onlara qarşı necə mübarizə aparmalıyıq? Uşaqları necə qorumalıyıq? 

Patriot News.az-ın müxbirinin verdiyi sualları  Gəncə Şəhər Birləşmiş Xəstəxanasının nəzdində olan Cavadxan Ailə Sağlamlıq Mərkəzinin ailə həkimi-pediatrı Sədayə İsgəndərova belə cavablandırıb Pediatr son günlər xəstəxanaya müraciət edən uşaqların əksəriyyətinin tibb müəssisələrinə ishalla gətirildiyini deyir. Onun sözlərinə görə maye qəbulunun azlığı səbəbindən virusa yoluxmuş uşaqlarda halsızlıq müşahidə olunur. 

Valideynlərin diqqət yetirməli olduğu məqamlardan biri də uşaqlara verilən dərmanların dozasını nəzarətdə saxlamaqdır. - “Yuxarı tənəffüs yollarının infeksiyalarına virus infeksiyaları səbəb olur, əsasən hava-damcı yolu ilə yayılan infeksiyalar olduğu üçün qapalı məkanlarda yoluxma ehtimalı daha yüksəkdir. Xəstəlik həm də təmas yolu ilə yoluxmada yüksəkdir. Xəstəliyin əlamətləri özünü bogaz ağrısı, baş ağrısı burun axıntısı, ürəkbulanma, qusma, halsızlıq, yorğunluq, ishal, qarında ağrılar və öskürək şəklində biruzə verir. Bəzi hallarda yeganə əlamət yüksək hərarət olur. Hava-damcı yolu ilə yoluxan virus olduğu üçün bunun qarşısını almaq üçün hansısa dərman qəbulunu tövsiyə etmirik. Yüksək hərarət zamanı hərarət salıcı preparatı qəbul etməyi tövsiyə edirik. Ehtiyat dərman vasiyəsi olaraq ibuprofen tərkibli dərman preparatı məsləhət görülür. Uşaqlar bol maye qəbul etməlidir. Meyvə və tərəvəzlə qidalanma uşaqlarda müqaviməti artırır. Virus infeksiyalarının müalicəsində antibiotiklərin faydası olmur. Ona görədə antibiotik qəbulu ümümiyyətlə məsləhət deyil. Əgər uşaqların hərarəti 2 gündən artıq olarsa mütləq həkimə müraciət etmək lazımdır.”