ADAU və Ege Universiteti tələbələri iftar süfrəsində bir araya gəliblər

Türkiyənin Ege Universiteti ilə Azərbaycan Dövlət Aqrar Universiteti (ADAU) arasında həyata keçirilən beynəlxalq ikili diplom proqramı çərçivəsində qardaş ölkənin təhsil ocağında oxuyan tələbələr Universitetin rektoru, professor Necdet Budak tərəfindən təşkil edilən iftar süfrəsində iştirak ediblər.

Patriot News. az xəbər verir ki, təhsil ocağının 70-ci ildönümü münasibətilə "Sevgi ili" elan edilib və bu çərçivədə universitet rəhbərliyi akademik heyəti, müxtəlif fakültələrdən olan tələbələri və beynəlxalq ikili diplom proqramı çərçivəsində Ege Universitetində təhsil alan ADAU tələbələrini bir araya toplayaraq Ramazan iftarında birlik və həmrəyliyi paylaşmaq imkanı yaradıb.

Azərbaycanlı tələbələr Türkiyədə təhsil aldıqları müddətdə onlara göstərilən diqqət və qayğıya görə minnətdarlıqlarını ifadə edərək, belə tədbirlərin dostluq və qardaşlıq əlaqələrinin möhkəmlənməsinə mühüm töhvə verdiyini vurğulayıblar.

Patriot News.az