Patriot News.az-ın bölgə müxbiri xəbər verir ki , Göygöl şəhər E.Vəliyev adına 5 nömrəli tam məktəbdə mövcud şəraitlə tanış olan idarə müdiri tədris prosesini izləyib, şagird və müəllimlərlə səmimi söhbət aparıb. Məktəbin fəaliyyət göstərdiyi müddət ərzində əldə etdiyi nailiyyətlər, müasir tədris metodları barədə məlumat verən direktor Aytəkin Əliyeva qeyd edib ki, hazırda təhsil müəssisəsində 938 şagird təhsil alır.

Daha sonra Göygöl şəhər 4 saylı körpələr evi – uşaq bağçasında olan idarə müdiri bağça kollektivinə uğurlar arzulayaraq, təhsil müəssisələrinin infrastrukturunun əsaslı şəkildə müasirləşdirilməsindən, yeni istifadəyə verilən bağçalarda uşaqlara yaradılan şəraitdən danışıb.

Elçin Kərimov  tikintisi davam edən Topalhəsənli kənd tam orta məktəbində olub. Bildirilib ki, tikintisinə 2023-2024-cü tədris ilinin sonunda başlanan məktəb binasında 260 şagird təhsil alacaq. Qeyd edək ki, məktəbin növbəti tədris ilində müəllim və şagirdlərin istifadəsinə veriləcəyi planlaşdırılır.