Milli Məclisin deputatı Xanlar Fətiyev seçildiyi 98 saylı Bərdə-Tərtər Seçki dairəsi üzrə vətəndaşlarla növbəti qəbul-görüşünü keçirib. Qəbul YAP Bərdə rayon təşkilatının inzibati binasında olub. Qəbulda YAP Bərdə rayon təşkilatının sədri Faqət Şadlinskaya da iştirak edib.
Qəbul zamanı deputat Xanlar Fətiyev vətəndaşları fərdi qaydada dinləyərək onların problem və çətinliklərinin həllinə çalışıb.
Vətəndaşların kənd yollarının təmiri, su problemi və s. ümumi, həmçinin işlə təmin olunma və s. şəxsi problemlərin həlli ilə bağlı müraciətlərini dinləyib. Onlardan bir qismi qanunvericiliyə uyğun olaraq yerində həll olunub, bir qisminin həlli üçün aidiyyatı qurumlarla əlaqə saxlanılması üçün müvafiq tədbirlər görülüb.
Vətəndaşlar qəbulla bağlı razı qaldıqlarını bildirmış, ölkədə həyata keçirilən sosial-iqtisadi inkişafın sürətləndirilməsi ilə bağlı ölkə Prezidenti cənab İlham Əliyevə və Birinci vitse-prezidenti Mehriban xanım Əliyevaya dərin minnətdarlıqlarını bildiriblər.