"İdmançılarımızı tanıyaq” rubrikasında  sizlərə   "Əməkdar  məşqçi", Azərbaycan Respublikasının Fəxri Bədən Tərbiyəsi və İdman işçisi fəxri adına layiq görülmüş İlqar Alıyevi təqdim edirik.

Alıyev İlqar Səməd oğlu 14 sentyabr 1965-ci il Gəncə şəhərində anadan olub. 1972-ci ildə Gəncə şəhər 33 saylı tam orta məktəbin 1-ci sinifinə gedib. 1980-ci ildə həmin məktəbin 8-ci sinifini bitirib, 9 saylı Texniki peşə məktəbinin rəngsazlıq fakültəsinin daxil olub . 1983 -cü ildə həmin məktəbi bitirib. 1980 -ci ilin sentyabr ayından Ağır Atletika idman növü üzrə 2 saylı UGİSM-də Süleyman Məmmədovun rəhbərliyi ilə məşqlərə başlayıb. 1983-1985-ci illərdə Xabarovsk Ordu Klubunda  əsgərlik xidmətində  olubdur.

1989-cu ildən Mir Yasin Agayevin rəhbərliyi altında "Kun-Fu" idman növü üzrə məşqlərə başlayıb. 1992-ci ildə Gəncə şəhər saylı UGİŞM-də "Karate" idman növü üzrə məşqçi müəllim vəzifəsində çalışıb. 6-8 iyun 1997-ci ildə keçirilən "Kikboksinq" üzrə Respublika Seminarından  sonra İlqar Alıyevi "Kikboksinq" idman növü üzrə Qərb bölgəsinin rəhbəri təyin ediblər. İlqar Alıyevin rəhbərliyi altında Gəncə komandası 20 dəfədən çox 1-ci yerə çıxaraq kuboklara sahib olublar. Ali Təhsillidir. İlqar Aliyev 1998-ci Rusiya Federasiyasının İdarəetmə və Biznes Universitetinə daxil olub və 2004-cü ildə Universiteti fərqlənmə diplomu ilə bitirmişdir. 2005-ci ildən Azərbaycan Döyüş Növləri Assosiasiyasının Qərb bölgəsinin rəhbəridir.

Ümumilikdə 14 Dünya çempionu, 20-dən çox Avropa və Avrasiya çempionları, Dünya və Avropa çempionatlarında gümüş və bürünc mükafatcılarını yetişdiribdir. Beynəlxalq yarışlardan İlqar Alıyevin tələbələri indiyə qədər ölkəmizə 200-ə yaxın qızıl, gümüş və bürünc medalları gətiriblər. Əldə etdiyi nailiyyətlərə görə İlqar Aliyevə 26 aprel 2007-ci ildə Kikboksinq idman növü üzrə Respublikanın "Əməkdar məşqçi"si fəxri adı verilibdir. 01.12. 2015-ci ildə Kikboksinq üzrə Respublikanın Fəxri Bədən tərbiyəsi və idman işçisi adına layiq görülübdür.

Ailəlidir. 2 oğul və bir qız atasıdır.    İlqar Alıyev Azərbaycan idman tarixinə öz adını qızıl hərflərlə yazdırıbdır. Biz sizinlə fəxr edirik İlqar müəllim!