Bunu  amerikalı jurnalist Taker Karlson həmkarı Mett Taibbiyə müsahibəsində bildirib.

O iddia edib ki, Bayden administrasiyası Rusiya prezidenti Vladimir Putini öldürməyə cəhd edib.

Jurnalistin iddiasına görə, bu yanaşmanın fəal tərəfdarlarından biri keçmiş dövlət katibi Entoni Blinken olub.

"Bayden administrasiyasının etdiyi şey Putini öldürməyə çalışmaq idi”, - o iddia edib.

Karlson sui-qəsdin təşkili üçün heç bir sübut və təfərrüat təqdim etməyib.

Xatırladaq ki, 2024-cü ilin iyulunda Ukrayna Baş Kəşfiyyat İdarəsinin rəisi Kirill Budanov Rusiya prezidentinə sui-qəsd cəhdlərinin edildiyini, lakin bunların hamısının uğursuz olduğunu bildirib. O, təfərrüatları açıqlamayıb. Kreml əmin edib ki, Putinin təhlükəsizliyi lazımi səviyyədə təmin olunub.