Patriot News.az xəbər verir ki, Kəpəz Qarabag  qarşılaşmasında qalıb müəyyən olunmayıb. Oyun 0: 0 hesabı ilə başa çatıb. "Qarabağ" ilə oyundan sonra "Kəpəz" klubunun baş məşqçisi Azər Bağırov fikirlərini jurnalistlərlə bölüşüb: "Dəstəyə görə bütün azarkeşlərimizə təşəkkür edirəm. Bir xal bizim üçün qənimətdir. Xallarımızın üstünə daha biri əlavə olundu. Bu, sevindirici haldır. Oyunun ilk 15 dəqiqəsində yaxşı çıxış etmədik. Sonradan uşaqlarda özünəinam yarandı. "Qarabağ"a qarşı oynamaq həmişə çətindir. Futbolçular vaxt irəlilədikcə daha güvənli oldular. Məncə, oyunu uduza da bilərdik. Qol epizodlarımız da oldu. "Qarabağ"la oynayanda əks-hücumu seçməlisən. Çünki buna məcbursan. Rəqibin futbolçularının səviyyəsi yüksəkdir".      @ Patriot News.az