" Kəpəz " 0 "Səbail" 1
"Kəpəz" futbol klubu Misli Premyer Liqasının 20-ci turu çərçivəsində "Səbail" klubu ilə qarşılaşıb.
Patriot News.az məlumat verir ki, “Səbail” öz meydanında “Kəpəz”i qəbul edib. Görüş meydan sahiblərinin 1:0 hesablı qələbəsi ilə başa çatıb.
Beləliklə, "Səbail" bu qələbədən sonra turnir cədvəlində 15 xalla 9-cu yerə yüksəlib. "Kəpəz" isə 14 xalla 10-cu yerə enib. "
"Səbail" ilə oyundan sonra "Kəpəz " klubunun baş məşqçisi Azər Bağırov matçla bağlı fikirlərini jurnalistlərlə bölüşüb: "Mənim üçün maraqlı oyun oldu. Yaxşı mübarizə apardıq. Əslində, uduzulacaq oyun deyildi. Təəssüflər olsun ki, yaratdığımız qol epizodlarından yararlana bilmədik. Üzücü tərəfi budur. İrəliyə baxmaq lazımdır. Qarşıda 16 tur var. Mübarizə davam edəcək".
@ Patriot News.az