ABŞ Ukrayna ilə nadir torpaq metalları müqaviləsi çərçivəsində potensial olaraq ölkənin atom elektrik stansiyalarına (AES) nəzarəti ələ keçirmək də daxil olmaqla, bir sıra yeni şərtləri diqtə etmək istəyir.

Bu barədə “Financial Times” (FT) Ukrayna mənbələrinə istinadən yazır.

“ABŞ administrasiyası Ukraynanın əsas mineral və enerji aktivlərinə çıxış əldə etmək üçün yeni şərtlərə nail olmaq istəyir. Vaşinqton Kiyevdən ümumi investisiya fondunun kimə məxsus olduğunu və ona kimin nəzarət etdiyini təfərrüatlı şəkildə dəqiqləşdirməyə çalışır. Eyni zamanda, digər iqtisadi aktivlərə, o cümlədən Ukraynanın atom elektrik stansiyalarına nəzarətin ABŞ-yə verilməsi də istisna edilmir”, - qəzet yazır.