“Kəpəz” Peşəkar Futbol Klubunun İctimai Birliyində rəhbərlik dəyişikliyi baş verib. Klubun İdarə Heyətinin keçirilən son iclasında Namiq Qədirov yekdilliklə İdarə Heyətinin yeni sədri seçilib.

İclas çərçivəsində heyətə yeni üzvlər də daxil edilib. Belə ki, Fərman Əlizadə sədrin idarəçilik məsələləri üzrə, Erkin İbrahimov isə idman məsələləri üzrə müşaviri təyin olunublar.

Yeni rəhbərlik Gəncədə yerləşən Məşq Mərkəzi və “Kəpəz” Futbol Akademiyası ilə tanış olub, klubun əsas komandasının məşqçilər heyəti və futbolçuları ilə görüş keçirib. Görüş zamanı həmçinin komandanın məşq prosesi də izlənilib.

Rəhbərlik dəyişikliklərinin klubun gələcək inkişafına müsbət təsir göstərəcəyi və həm infrastruktur, həm də idman göstəriciləri baxımından yeniliklərə yol açacağı gözlənilir.