Goranboy rayonununda əsas turizm marşurutları üzrə yolkənarı ərazilərin abadlaşdırılması, sahihkarlıq və qeyri-sahibkarlıq obyektlərində, fərdi yaşayış evlərində müasir arxitektur üslubda həyata keçirilən əsaslı və genişmiqyaslı  təmir-bərpa, abadlıq və quruculuq işləri sakinlərin və rayonumuza gələn qonaqların zövqünü oxşayır. Rayon İcra Hakimiyyətinin başçısı Məhərrəm Quliyev bir qrup məsul şəxslərlə birgə, Tap Qaraqoyunlu və Tap kəndləri ərazisində həyata keçirilən əsaslı və genişmiqyaslı abadlıq və quruculuq  işləri  ilə yerində tanış oldu. Məhərrəm Quliyev kənd sakinləri ilə də görüşüb, onlarla səmimi söhbət etdi, onların müraciətlərini dinlədi. Kənd sakinləri aparılan bu yüksək və zövqoxşayan abadlıq, quruculuq işlərinə görə, olkə rəhbəri, Prezident cənab İlham Əliyevə minnətdarlıqlarını bildirdilər.