Patriot News.az xəbər verir ki, Gəncə-Daşkəsən Regional Təhsil İdarəsi tərəfindən idarənin tabeliyində fəaliyyət göstərən ümumi təhsil müəssisələrinin rəhbərlərinin iştirakı ilə görüş keçirilib.

Görüşdə "Ən yaxşı təqdimat" müsabiqəsinin rayon (şəhər) mərhələsi, Kenquru Beynəlxalq Riyaziyyat Müsabiqəsi, Respublika fənn olimpiadalarının illər üzrə statistikası təqdim edilib. Fənn Olimpiadalarına hazırlıq mərkəzləri, onun fəaliyyət istiqamətləri barədə məlumat verilib. Bildirilib ki, region üzrə 8 olimpiadaya hazırlıq mərkəzində 295 şagird dərslərə cəlb edilib 281 dərs əyani, 103 dərs isə onlayn şəkildə həyata keçirilib.

Həyata keçirilən fənn aylıqları, "Kod saatı" Məktəblilərarası Milli Hakaton 2025 və "Zəkaların mübarizəsi" olimpiadası barədə ətraflı məlumat verilib.

Bundan əlavə, görüş çərçivəsində müəssisə rəhbərlərinə son üç il ərzində aparılmış keyfiyyət inspeksiyalarının nəticələri əsasında hazırlanmış çərçivə sənədi təqdim edilib. Müəssisələrdə həyata keçirilmiş yoxlama monitorinqlərinin nəticələri, aşkarlanmış nöqsanların aradan qaldırılması məqsədi ilə tapşırıq və tövsiyələr verilib.

Daha sonra görüş müəssisə rəhbərlərinin qarışılıqlı müzakirəsi ilə davam edib.