Gəncə şəhər Heydər Əliyev Park-Kompleksində yerləşən suni göldə təmir-bərpa işləri həyata keçirilir. İşlər Azərbaycan Dövlət Su Ehtiyatları Agentliyinin tabeliyindəki Regional Su Meliorasiya Xidmətinin sifarişi əsasında aparılır.   İşləri "Azərtrans MMC" həyata keçirir.  Ərazidə 380 metr uzunluğunda su ötürücü borunun çəkilişi həyata keçirilib və işlər yekunlaşmaq üzrədir. Bununla yanaşı, gölün yamacları beton tavalarla üzlənib, ətrafının isə dəmir barmaqlıqlarla əhatələnməsi nəzərdə tutulub. 
6 hektar əraziyə malik süni gölün 30 dekabra qədər təhvil veriləcəyi gözlənilir. Gələn ayın sonunda gölə suyun, eləcə də müxtəlif balıq növlərinin buraxılmasına başlanılacaq.

Xatırladaq ki, süni göl ötən ilin yaz aylarında qonşu rayonların ərazisindən gələn sel suları nəticəsində daşaraq, ətrafda yerləşən yaşayış sahələri üçün təhlükə yaratmışdı. Dibi lil və palçıqla dolan gölün suyu aidiyyəti qurumlar tərəfindən tamamilə çəkilmişdi.