Əfv Məsələləri Komissiyasının növbəti iclası keçirilib, baxılan müraciətlərin sayı 600-ü keçib - YENİLƏNİB
Əfv Məsələləri Komissiyasının növbəti iclası keçirilib, baxılan müraciətlərin sayı 600-ü keçib
Prezident yanında Əfv Məsələləri Komissiyasının 2025-ci il üçün beşinci iclası keçirilib.
Bu barədə "Report"a Komissiyanın üzvü Rəşad Məcid məlumat verib.
O bildirib ki, iclası komissiyanın sədri Samir Nuriyev açıb:
"Daha sonra komissiyanın katibi Kəmalə İsmayılova daxil olan müraciətlər barədə məlumat verdi. Keçirilən iclasda təxminən 100-ə yaxın müraciətə baxılıb. Müraciətlər əsasən yol-nəqliyyat hadisələrində məhkum olunmuşların, əcnəbi məhkumların və qadınların olub. Onların müraciətləri müzakirə edilərək qərar çıxarılıb. Əfv Komissiyası iclaslarını davam etdirəcək. Daha sonra komissiya sənədləri ölkə başçısına təqdim edəcək. Əfv məsələləri cənab prezidentin mütəsna səlahiyyətidir. Humanizm və mərhəmət aktıdır. Çox güman ki, may ayından Azərbaycan Prezidentinin növbəti əfv sərəncamını imzalamasının şahidi olacağıq".
Qeyd edək ki, bununla da baxılan müraciətlərin sayı 600-ü keçib.
***
Bu gün Prezident yanında Əfv Məsələləri Komissiyasının növbəti iclası keçiriləcək.
"Report" xəbər verir ki, bu il komissiyanın dörd iclası baş tutub və 500-ə yaxın müraciətə baxılıb.
Qeyd edək ki, Əfv Məsələləri Komissiyasının iclaslarının nəzərdə tutulan əfvlə bağlı keçirildiyi bildirilir.
Mətndə səhv var? Onu siçanla seçin və Ctrl+Enter düyməsini basın.
Teqlər:
İlham Əliyev “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibə verib - YENİLƏNİB
Prezident İlham Əliyev Davosda Çinin CGTN telekanalına müsahibə verib
Ombudsmanın vəsatəti ilə ötən il 15 məhkum əfv edilib
4 vəkilə xəbərdarlıq edildi, 2 vəkilə isə töhmət verildi
Prezident İlham Əliyev XII Qlobal Bakı Forumunun açılış mərasimində çıxış edib - YENİLƏNİB-2
