Azərbaycan Respublikasının Prezidenti İlham Əliyevin siyasi iradəsi və qətiyyətli addımları nəticəsində Qazax rayonunun 30 ilə yaxın işğal altında olan Bağanıs Ayrım, Aşağı Əskipara, Xeyrımlı və Qızılhacılı kəndləri Azərbaycana qaytarılıb.

Patriot News.az xəbər verir ki bu çərçivədə, 28 aprel 2025-ci il tarixində Qazax rayonunda fəaliyyət göstərən Səyyar ASAN xidmət vasitəsilə Aşağı Əskipara və Xeyrımlı kəndlərinin sakinlərinə bir sıra dövlət xidmətləri göstərilib. Hazırda Qazaxbəyli kəndində müvəqqəti məskunlaşan sakinlər şəxsiyyət vəsiqələrinin verilməsi və dəyişdirilməsi xidmətindən yararlanıblar.

Səyyar xidmət Qazax Rayon İcra Hakimiyyətinin dəstəyi ilə həyata keçirilib.

Səyyar ASAN xidmətin təşkili dövlət xidmətlərinin vətəndaşlara daha əlçatan, rahat və innovativ üsullarla təqdim olunmasına, həmçinin vətəndaş məmnunluğunun artırılmasına xidmət edir.