29 aprel 2025-ci il tarixində Dövlət Agentliyinin sədri Ülvi Mehdiyev Keniya Respublikasının “SMACHS” Fondunun təsisçisi və baş direktoru Şarlin Ruto ilə görüş keçirib. Görüş Bakıda təşkil olunan “Həmrəy fəaliyyət: yeni və ədalətli dünya üçün Qlobal Cənub QHT-lərinin gücləndirilməsi” Forumuna səfər çərçivəsində baş tutub.

Qonağa “ASAN xidmət” və Dövlət Agentliyinin fəaliyyət istiqamətləri, şəffaflıq və innovasiya sahəsində nailiyyətlər barədə məlumat verilib. Bu günədək 85 milyondan çox müraciətin qeydə alındığı bildirilib. Şarlin Ruto “ASAN xidmət”, səyyar xidmət, ABAD və INNOLAND kimi təşəbbüslərlə tanış olub, bu modeli yüksək qiymətləndirib və Keniyada tətbiqini faydalı hesab edib.

Görüşün sonunda ona “ABAD” tərəfindən hazırlanmış xatirə hədiyyəsi təqdim olunub.