Aprelin 15-də görkəmli oftalmoloq-alim, Akademik Zərifə Əliyevanın vəfatından 40 il ötür.

Patriot News.az xəbər verir ki, Akademik Z.Məmmədov adına xəstəxananın Oftalmoloji şöbəsində anım günü ilə bağlı tədbir keçirilib.   Tibb müəssisəsinin rəhbəri Tələt Nəbiyev çıxış edərək görkəmli oftalmoloq alim, akademik Zərifə xanım Əliyevanın keçdiyi həyat yolundan danışıb.  O qeyd edib ki, Əməkdar Elm Xadimi, tibb elmləri doktoru, akademik Zərifə Əliyevanın oftalmologiya elminin inkişafında xidmətləri əvəzolunmazdır. Görkəmli alimin vaxtilə Azərbaycanda geniş yayılmış traxomanın, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə dair böyük araşdırmalar aparılması barədə məlumat verilib. Zərifə xanımın eyni zamanda yüksəkixtisaslı kadrların hazırlanmasına da böyük əmək sərf etdiyi diqqətə çatdırılıb.