Hesabat: Qlobal Cənub ölkələri Azərbaycan da daxil olmaqla, dünya arenasında yeni qüvvə formalaşdıracaq
Azərbaycanın da daxil olduğu Qlobal Cənub ölkələri onilliyin sonuna qədər qlobal iqtisadi artımın əsas hərəkətverici qüvvəsi olacaq və dünya arenasında müstəqil "üçüncü qüvvə" formalaşdıracaq.
Bu barədə “Boston Consulting Group”un (BCG) hesabatında bildirilib.
Qeyd olunub ki, 2029-cu ilə qədər Qlobal Cənub ölkələrinin ümumi ÜDM-i inkişaf etmiş ölkələrin 1,9 % ilə müqayisədə ildə orta hesabla 4,2 % artacaq.
"Qlobal Cənub ölkələrinin illik ticarət həcminin 2033-cü ilə qədər 14 trilyon dollara çatacağı gözlənilir. Bu ölkələr arasındakı əməkdaşlıqda ticarətin rolu böyükdür: Cənub-Cənub ticarəti ildə 3,8 % artacaq. Qlobal şimal ölkələrinin öz aralarındakı ticarət isə ildə 2,2 % təşkil edir", - məlumatda bildirilib.
Hesabatda göstərilib ki, Braziliya və Hindistan kimi "multialyans" siyasətinə sadiq olan dövlətlər həm Çin, həm də Qərb ölkələri ilə əlaqələr qurmaqla iqtisadi artımlarını və davamlı inkişaflarını gücləndirirlər, Qlobal Cənub ölkələrində fəaliyyət göstərən şirkətlər isə biznes aparmaq üçün böyük imkanlar əldə edirlər.
"Qlobal Cənub ölkələrində fəaliyyət göstərən şirkətlər üçün geniş imkanlar açılır. Buraya biznes strategiyalarının lokallaşdırılması, cənub-cənub tərəfdaşlıqlarına və təchizat zəncirinin dayanıqlılığına investisiya qoyuluşu və s. daxildir", - hesabatda qeyd edilib.
Mətndə səhv var? Onu siçanla seçin və Ctrl+Enter düyməsini basın.
Teqlər:
Prezident İlham Əliyev Davosda Çinin CGTN telekanalına müsahibə verib
İlham Əliyev “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibə verib - YENİLƏNİB
COP29-da bu saziş olmalıydı, əvəzində Bakıya "hücum" edildi...
Leyla və Arzu Əliyevalar UNEC-də Çin dili təhsili alan tələbələrlə - FOTOLAR
Prezidentin nüfuzlu telekanala müsahibəsi: Azərbaycan dünyanın siyasi və iqtisadi xəritəsində öz yerini tutub - ŞƏRH
