Müasir biznes mühitində peşəkar və etibarlı tərəfdaş tapmaq, uğurlu fəaliyyətin açar şərtlərindən biridir. Financial Chain Corporation (FCHAIN) bu ehtiyaca cavab olaraq yaranmış və qlobal miqyasda fəaliyyət göstərən nüfuzlu bir şirkətə çevrilmişdir. Bu uğurun arxasında isə peşəkar liderlik və vizion sahibi olan Namik Qədirov dayanır.

Peşəkar Yola Başlanğıc

Namik Qədirov 2002-ci ilin 1 noyabr tarixində "Caspian Accounting and Consulting Services" adı ilə Bakıda ilk təməli qoyulan şirkətin təsisçisi və icraçı direktoru olmuşdur. Onun rəhbərliyi ilə bu kiçik yerli şirkət qısa zamanda regionda tanınan bir maliyyə və konsaltinq brendinə çevrilmiş, daha sonra isə FCHAIN adını alaraq beynəlxalq bazarlara çıxmışdır.

Qlobal Uğur Hekayəsi

Bu gün Financial Chain Corporation Çexiya, Gürcüstan, Qazaxıstan, Rusiya, Ukrayna, Özbəkistan və digər ölkələrdə filiallara sahibdir. Şirkət hüquq, audit, vergi, insan resursları və maliyyə xidmətləri üzrə ixtisaslaşaraq fərqli sahələrdə fəaliyyət göstərən bizneslərə dəstək verir. FCHAIN müştərilərinə şəffaflıq, dəqiqlik və innovativ yanaşma ilə xidmət göstərməyi əsas prinsip kimi qəbul edir.

Mükafatlar və Təşəbbüslər

2024-cü ildə Namik Qədirov "Caspian Business Award" mükafatına layiq görülərək "Sahibkarlığın inkişafına verdiyi xüsusi töhfəyə görə" nominasiyasında təltif olunmuşdur. Bu mükafat onun biznesə və sahibkarlığa verdiyi töhfənin, peşəkar etikasının və liderlik bacarığının bariz nümunəsidir.

Gələcəyə Baxış

Namik Qədirovun məqsədi – FCHAIN-in xidmət keyfiyyətini qoruyaraq, onu dünyanın daha çox ölkəsində fəaliyyət göstərən qlobal liderə çevirməkdir. Onun innovativ yanaşması və strateji baxışı FCHAIN-in davamlı inkişafını təmin edir.         @ Patriot News. az