Vətənimiz Azərbaycan dünyanın ən qədim yaşayış 
məskənlərindən biridir.Burada hələ eramızdan 
əvvəlki dövrlərdə qədim insanlar yaşayıb və
yaradıblar.Eyni zamanda ölkəmizdə yaşı min illərə
bərabər olan tarixi memarlıq abidələri,tarixi 
yaşayış məskənləri və tarixi özündə əks etdirən 
çoxlu nümunələr vardır.
Belə tarixi məkanlardan biridə Gəncəbasar 
ərazisinə daxil olan Samux rayonudur.
Kolayır-Qırmızı Samux yolunun sağ tərəfində
əzəmətli bir Çinar ucalır.Solda isə mineral bulaq 
çağlayır.Bulağın suyundan içib qollu budaqlı çinara 
tərəf dönürük.Əsrlərin yadigarıdır.Təqribən 1500 
ilə yaxın yaşı var.Kənd sakinləri bu çinarı Həzrəti 
Əlinin adı ilə bağlayırlar.Deyirlər ki,dördüncü Rəşidi 
xəlifəsi Əli ibn Əbu Talib İslamın zəfər yürüşü 
zamanı Samuxda olub və Düldül adlı atını bu 
ağacın kölgəsində saxlayıb.
Qocaman Çinarın dibində at nalının izini də
göstərirlər.Düldül adı elə buradan meydana 
gəlib.Hündürlüyü bir neçə mərtəbəli evi kölgədə
qoyar.Yaşıl çətirin dairəsi 20 metrdən 
çoxdur.Qəribədir illər,əsrlər keçdikcə çinar özüözünü təzələyir.Onun nəhəng gövdəsində yeni-yeni 
pöhrələr,budaqlar ucalır,köhnələri,qurumuşları 
əvəz edir.
Kolayır kəndi ərazisində yerləşən və yaşı 1500 il 
olduğu güman edilən “Düldül”öz görkəmi ilə
insanları özünə cəlb edərək insanların inanc yerinə
çevrilib.
Samux rayon əhalisi bu ağacı ziyarət edir,onun 
budaqlarına dəsmal bağlayıb niyyət edirlər.Neçə
yüz illərdir təbiətin şıltaqlığına 
baxmayaraq,qocaman ağac məğrur qamətini 
qoruyaraq saxlayır.
Düldül tək deyil.Burada yeddi çinar 
cərgələnib.Maraqlıdır yaxınlarda yeddi şəhidin 
məzarı görünür.Abidələr qoyulub,ehsan bulaqları 
çağlayır.
Mətni hazırladı:PATRİOT NEWS.AZ saytının Gəncə
şəhər və Qərb bölgəsi üzrə xüsusi müxbiri Fərman 
Əliyev (Ceyhunoğlu)