“Həkimlərimizi tanıyaq” rubrikamızda bu dəfə Gəncə Şəhər Birləşmiş Xəstəxanasının nəzdində olan Adilxanlı Ailə Sağlamlıq Mərkəzinin (ASM) ailə həkimi-pediatrı Gülay Quliyeva haqqında məlumatları təqdim edirik.

Quliyeva Gülay Yusif qızı 10 dekabr 1985-ci ildə Gəncə şəhərində anadan olub. 2006-2012-ci illərdə Azərbaycan Tibb Universitetinin Pediatriya fakültəsində təhsil alıb. Elə həmin ildə Gəncə şəhər 4 saylı Uşaq poliklinkasında sahə həkimi-pediatr vəzifəsində çalışmağa başlayıb. 

Gülay Quliyeva hazırda Adilxanlı ASM-də ailə həkimi-pediatr kimi fəaliyyətini davam etdirir.  

Gülay Quliyeva “Pediatriyanın aktual problemləri”, “Vərəmin aşkarlanması, nəzarətli müalicə və profilaktikasında ilkin səhiyyə xidmətinin rolu”, UNİCEF-in təşkil etdiyi “İnkişafın dəstəklənməsi və izlənməsi üzrə beynəlxalq rəhbərlik”, “Neonatologiya və pediatriyada endokrin problemlər”, “İnsult keçirmiş xəstələrin reabilitasiyasına yeni yanaşma” adlı konfranslarda, eyni zamanda “ÇİYAD” kursunda iştirak edib.