Patriot News.az xəbər verir ki , Gəncə şəhər Mənzil Kommunal Təsərrüfatı İstehsalat Birliyinin Ərazi Xidmət Sahələri tərəfindən şəhər ərazisində kompleks təmizlik işləri davam etdirilir. Bu dəfəki iməcilik aksiyası Gəncə Beynəlxalq Avtovağzalının ətraf ərazilərində və Məmmədtağı Cəfərov küçəsində həyata keçirilib. Adıçəkilən ərazilər qurumun xüsusi texnikaları və canlı qüvvəsi tərəfindən məişət tullantılarından, qurumuş alaq otlarından, eləcə də toz-torpaqdan təmizlənib. Toplanan zibil kütləsinin ərazidən daşınması təmin edilib. Ərazidəki zibil konteynerlərinin ətrafında səliqə-sahman yaradılıb. MKTİB tərəfindən aparılan iməcilik aksiyası Gəncə Beynəlxalq Avtovağzalına eləcə də əks istiqamətə hərəkət edən nəqliyyat vasitələrinin və piyadaların rahatlığının təmin edilməsi məqsədi daşıyır. Qeyd edək ki, şəhər Mənzil Kommunal Təsərrüfatı İstehsalat Birliyi tərəfindən aparılan bu kimi işlər mütəmadi olaraq şəhərin müxtəlif, ərazilərində də həyata keçirilməkdədir.

  @ Patriot News.az